| Lacreme napulitane |
Ritorna a Canzone napoletana
Bovio - Buongiovanni
Mia cara madre,
sta pe' trasí Natale,
e a stá luntano cchiù mme sape amaro....
Comme vurría allummá duje o tre biangale...
comme vurría sentí nu zampugnaro!...
A 'e ninne mieje facitele 'o presebbio
e a tavula mettite 'o piatto mio...
facite, quann'è 'a sera d''a Vigilia,
comme si 'mmiez'a vuje stesse pur'io...
E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
II
Mia cara madre,
che só', che só' 'e denare?
Pe' chi se chiagne 'a Patria, nun só' niente!
Mo tengo quacche dollaro, e mme pare
ca nun só' stato maje tanto pezzente!
Mme sonno tutt''e nnotte 'a casa mia
e d''e ccriature meje ne sento 'a voce...
ma a vuje ve sonno comm'a na "Maria"...
cu 'e spade 'mpietto, 'nnanz'ô figlio 'ncroce!
E nce ne costa lacreme st'America
.......................................................
III
Mm'avite scritto
ch'Assuntulella chiamma
chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
facítela turná chella "signora".
Io no, nun torno...mme ne resto fore
e resto a faticá pe' tuttuquante.
I', ch'aggio perzo patria, casa e onore,
i' só' carne 'e maciello: Só' emigrante!
E nce ne costa lacreme st'America
.......................................................
Ritorna a
TRADUZIONE (effettuata da Salvatore)
Lacrime napoletane
Mia cara madre sta arrivando Natale
e stare lontano mi sa di amaro.
Come vorrei accendere due o tre biancali* *lunghi bastoni d'artificio
Come vorrei ascoltare uno zampognaro* “musicante che suona nenie di Natale con la zampogna
Ai miei bambini fategli il presepe
ed a tavola mettete il piatto per me…
Fate come la sera della vigilia di Natale
come se con voi ci fossi anche io
E ci costa lacrime quest'America
a noi napoletani…
per noi che rimpiangiamo il cielo di Napoli
com'è amaro questo pane
Mia cara madre
che sono, che sono i soldi
per chi rimpiange la patria, non sono niente!
adesso ho qualche dollaro e mi sembra
che non sono mai stato così pezzente!
Mi sogno tutte le notti la mia casa
e dei miei figli sento la voce…
e a voi vi sogno come una Maria* *Madonna
con le spade nel petto davanti al figlio in croce
E ci costa lacrime quest'America
a noi napoletani…
per noi che rimpiangiamo il cielo di Napoli
com'è amaro questo pane
Mi avete scritto che Assuntulella* piange *nome della figlia Assunta
chi l'ha lasciata e sta ancora lontano
che devo dirvi … se i figli vogliono la mamma
fatela tornare quella signora
Io no, non torno, me ne resto fuori
e resto a lavorare per tutti quanti
io che ho perso patria, case d'onore,
io sono carne da macello: sono emigrante!
E ci costa lacrime quest'America
a noi napoletani…
per noi che rimpiangiamo il cielo di Napoli
com'è amaro questo pane